Turneringsreglar

Klassar og spelereglar

For at det skal bli avvikla spel i klasse 9 og 10, må det vera påmeldt minst 8 lag i kvar klasse. Ved for låg påmelding kan klassar bli slått saman.

• Klasse 1–2: 5`er fotball
• Klasse 3–6: 7`er fotball
• Klasse 7–10: 9`er fotball

Klassane 1–8 blir spela i samsvar med reglane til R.F.K for barnefotball, med unntak av speletida som er 2 × 15 minutt.

Klasse 9–10: 9`er fotball i samsvar med reglane til R.F.K for ungdomsfotball, med unntak av speletida som er 2 × 20 minutt.

Alle spelarar som deltek, må vera speleberettiga for klubben dei spelar for.

Bruk av overårige spelarar

• 7`er fotball: ein overårig spelar på bana om gongen.
• 9`er fotball: to overårige spelarar på bana om gongen.
• Spelaren kan ikkje vera meir enn eitt år over aldersgrensa.
• Bruk av overårige spelarar må meldast til Etnecup på førehand.
• Det kan ikkje nyttast meir enn tre overårige spelarar per kamp.

Me ber om at overårige spelarar vert nytta for å sikra at lag har nok spelarar, og ikkje for å «toppa» lag. Kontakt Etnecup dersom de ønskjer å søkja om unntak.

Kampar og kampavvikling

Nokre kampar i 7`er-klassen og alle kampane i klasse 9 og 10 (utanom finalane) vert spela på Steinsvollen, om lag 5 minutt med bil frå Etne sentrum.

• Fredag: Enkel serie på gras- og kunstgrasbanar.
• Laurdag: Seriespelet held fram, saman med nokre sluttspelkampar i klasse 9 og 10.
• Søndag: Alle lag i klasse 1–8 spelar ein kamp mot ein ny motstandar. Alle lag i klasse 9 og 10 spelar anten plasseringskamp eller finale.

Alle lag som deltek i Etnecup må vera førebudde på å spela kamp fredag kl. 17.00.

Reglar for klasse 9–10 (13-årsklassen)

Ved poenglikskap vert laga rangerte etter følgjande kriterium:

1. Målskilnad
2. Flest skåra mål
3. Innbyrdes oppgjer
4. Loddtrekning

Finalane blir spelte over 2 × 25 minutt.

Ved uavgjort i sluttspelkampar blir det spela 2 × 5 minutt ekstraomgangar. Dersom det framleis er uavgjort, vert talet på cornerar telt (både i ordinær speletid og ekstraomgangar). Er det framleis likt, vert vinnaren avgjord ved loddtrekning utført av lagleiarane.

Med atterhald om veret blir kampane spela på grasbanar og kunstgrasbane.

Spelarar kan ikkje delta på to lag i same årsklasse (til dømes Etne G13-1 og Etne G13-2). Ved særskilde hendingar, som skade eller andre uføresette situasjonar, må turneringsleiinga kontaktast før kampen dersom det er behov for å nytta spelarar på fleire lag.

‍